搅珠直播
56岁嘅郑伊健出道多年，当年凭电影《古惑仔》系列中饰演陈浩南一角深入民心，风靡全亚洲。郑伊健将于11月23日喺高雄巨蛋举行《HERE ＆ NOW 郑伊健演唱会2024》，所以近日佢飞到台北出席记者会及多个宣传活动，当中包括作客由徐熙娣（小S）主持嘅节目《小姐不熙娣》，不过期间被要求重演陈浩南，佢多番婉拒，又被小S生擒，场面甚为尴尬。
喺节目中，郑伊健被问到喺演绎《古惑仔》陈浩南时需要啲咩，佢就笑住叫大家去香港买本《古惑仔》漫画，然后快睇几次就知道有咩方法去演。佢喺节目中被要求示范陈浩南嘅行路风格，但就表示已经脱离角色，冇办法再演。
之后，未有就此罢休嘅小S开始扮「十三妹」，不过郑伊健就好搞笑咁变咗跟班，仲帮小S点烟，小S就话已经点咗烟，你烧我呀？而郑伊健就拎咗小S手上嘅烟，然后做出一个「弹烟」动作做收尾。
小S后来更提出要同郑伊健演出一段激情戏，小S首先靠近郑伊健，然后就表示自己好攰，郑伊健就尴尬回答话瞓觉啦。小S就自肥咁挨落郑伊健胸口，佢只好掩嘴狂笑及尝试起身，但系小S就拉住佢，及用手脚箝实佢唔放，甩唔到身嘅郑伊健只好接受，及掩脸大叫救命。
影片出街后，有网民大赞郑伊健，例如「郑伊健被逗到一个无力招架的样子 感觉很可爱也很平易近人 而且他好像也没有什么太大的变化耶 保养的真好」及「伊健好可爱，像长不大的男孩」等等；不过同时就有大批网民批评主持，例如「小S年轻的时候 摸男艺人很好笑 !! 现在真 就是占便宜 的感觉」、「好尴尬的一塲（场）访谈」、「为什么不做功课，他明明很早就说过不喜欢这个角色。」、「真的难为Ekin了！」、「有点尴尬」、「没做功课真的不行」、「其实郑伊健有说过他不喜欢古惑仔陈浩南这个角色，因为教坏很多小朋友，所以要他再演是会抗拒」、「难为了Ekin，主持人很差劲！」及「他不想再演了，一直回避 还不停叫他演，他很尴尬」等等。